TAQABBAL ALLAHU MINNA WA MINKUM

Assalamu'alaikum Wr. Wb.

"Taqabbal Allahu minna wa minkum, Minal Aidin Wal Faizin"

Kanca-sedulur PG kabéh sing tek tresnani...
Inyong lan Pengurus PG, saperlu badhé ngaturaken sedaya kalepatan kula..
Tembung kula saklimah, lampah kula sajangkah tuwin tindak-tanduk ingkang damel sengkeling manah, mugi kalebura ing dinten Riyadi menika..
Muga-muga kaluputané inyong lan kaluputané rika kabéh kalebura ing dina kang becik iki, amin...

Kejaba ndhuwur kuwé, inyong lan Pengurus PG uga kepéngin lapuran bab DANA SANTUNAN kanggo YATIM-PIATU lan JOMPO.

Kiyé ngisor tek tulis jeneng2 kanca-sedulur PG sing wis tresna lan ikhlas titip lan mercayakaken maring pengurus nyaluraken santunan kanggo sing berhak.

01. Iswandi
02. Arif Inyonk Bms
03. Sofwanudin
04. Puja Ristoni
05. Sugihartono Ugi
06. Tarto Patikraja
07. Purwadi
08. Supanto
09. Aji Nur W
10. Sunaryo Yayi
11. Muflikhun
12. Mugo Prayogo Kramayudha
13. Petty A Logawa
14. Muhhamad Mulyadi
15. Amsyori Babam
16. Rasmy Anto
17. Teguh Pristianto
18. Papatong Anggraito
19. Fatimah Sahirin
20. Diah Listiarini
21. Eko Suprayitno
22. Kusbandini SE
23. Rahman Purwoko
24. Inggit Rinadiah
25. Muhammad Koderi
26. Kodrat Gemiwang
27. Moh Taufik
28. Slamet Iskandar
29. Nanang Fahrurozi
30. Nana Mulyana
31. Shanty Abdul Ghani
32. Rabia Adawiyah
33. Agung Sutarto
34. Mba Ana / Andri Rebel
35. Baldy Patikradja
36. Priyo Andi Gularso
37. Roozeno
38. Ari Agus Setiawan
39. Dwi Arum Setijaningsih

Jumlah yatim-piatu sing bakal nampa santunan = 79 jiwa.
Jumlah jompo sing bakal nampa santunan = 83 jiwa.
TOTAL (yatim-piatu + jompo) = 162 jiwa. 

TOTAL jumlah santunan sing wis kumpul = Rp.14.847.250,-

Pengurus PG (wingi mbengi) wis ngétung lan mutusaken, yaiku saben jiwa sing berhak desantuni bakal nampa amplop sing isiné Rp.92.000,- lan bakal debagikaken ana ing gelaran SILATURAHIM PATIKRAJA GUYUB-III, Dina Setu - 10 Agustus 2013.

Alhamdulillah... muga sing berhak nampa santunan kuwé bungah merga tresna lan ikhlasé kanca-sedulur PG.. uga muga berkah lan manfaat kanggo sekabéhané, amin...

Maturnuwun, salam sehat lan tetep GUYUB..!

Wassalamu'alaikum Wr. Wb.

WARA-WARA SISAN ULEM-ULEM GELARAN SILATURAHIM PATIKRAJA GUYUB-III (SPG-III)

Assalamu’alaikum Wr. Wb.


“SUGENG HANGAYAHI JEJIBAHAN SUCI SIAM RAMADHAN”

Sedulur PG sing tek tresnani… Alhamdulillah tekan sekiyé inyong lan pengurus PG, uga “tukang glidhig” sing degawé nang ndésa, sing tugasé ngréwangi kepreluan uba rampé kanggo suksésé acara “Silaturahim PG-III”, wis rembugan kanti mateng. Salah sijiné acara sing bakal degelar nang Silaturahim PG-III - tgl. 10 Agustus 2013, yaiku arep nyantuni utawa bagi2 zakat mal kanggo "Bocah Yatim-Piatu lan Kaum Lansia/Jompo" sing ana nang sekubengé Desa Patikraja. Inyong sekiyé wis olih data lamona nang Desa Patikraja, jumlah RW cacahé ana 10 (sepuluh), lan jumlah RT ana 30 (telungpuluh); Kuwé artiné, rata2 se’RW ana telung RT.

Hla gandhéngané karo jumlah RT/RW kuwé mau, yaiku bén inyong lan pengurus bisa mbagi2, kira2 arep ana pira bocah YATIM PIATU sing bakal nampa santunan sekang inyong lan rika kabéh “warga” PG.

Kayakiyé lur.....

Bab biaya kanggo acara Silaturahim PG-III, Alhamdulillah inyong lan pengurus wis nyiapna kabéh. Mung kayané koh kurang greng, angger acara sing bagus kiyé koh ora debarengi sisan karo kegiatan sosial... mula inyong lan pengurus akhiré sepakat nganakna/ngumpulna santunan kanggo sing prelu desantuni kuwé mau. Biaya kanggo santunan kuwé, sebeneré pengurus dhéwék uga wis nyiapna, ning blakasuta baé jumlahé ora patia akéh. Angger étungané saben RT mung wong siji thok sing desantuni, kuwé pengurus wis nyiapna danané.

Ning Angger kanca-sedulur PG koh kepéngin weruh ora mung wong siji thil (se’RT) sing “bungah” merga nampa santunan, mangga kanggo sedulur sing “ombér” lan duwé kelewihan rejeki, tur maning utamané kudu sing “IKHLAS”, mayuh acara "Silaturahim Patikraja Guyub-III lan Santunan Kanggo Yatim-Piatu lan Kaum Jompo" kiyé desengkuyung bareng2.. tambah akéh sing tresna lan ikhlas awéh santunan, mesti tambah akéh sing bisa desantuni. Insya Allah, rejekiné kanca-sedulur PG uga dadi tambah gangsar, amin…

Mangga lur sing tresna lan ikhlas kepéngin “partisipasi”, bisa langsung de transfer utawa detitipna maring nomer rékeningé “Tukang Uang” PG.

BCA : 273 146 0304 an. ARI AGUS SETIAWAN.

Sapa2 sing wis "nitip", mangga awéh kabar meng nomer: 085286317069 (Ari A.S), utawa meng inyong: 081333991911

Sing tek karepaken, partisipasi sekang kanca-sedulur PG, total jumlahé wis bisa tek umumna seminggu sedurungé bada/lebaran ; antarané tgl. 1 Agustus 2013. Muga bocah2 YATIM PIATU sing ana nang sekubengé Desa Patikraja téyéng mélu ngrasakna “BUNGAH” anané gelaran "SILATURAHIM PATIKRAJA GUYUB-III" kiyé, amin…

Mangga kanggo kabéh "warga" PG, tek aturi rawuh silaturahim sisan nekséni santunan dana sekang panjenengan kanggo bocah2 yatim-piatu.


Wassalamu’alaikum Wr. Wb.


Ulem-ulem uga bisa delongok nang: kene

PASAR WAGE

Kayané wong Banyumas tau wawuh lan tau maring Pasar Wagé.

Pasar Wagé manggon nang pinggir dalan raya Jendral Sudirman sisih wétan. Jaman gemiyén, pasar Wagé diliwati dalan sepur Purwokerto-Purbalingga-Wonosobo. Ning mulai tahun 1970-an, dalan sepur kuwé wis ora aktif, ora dioperasikan maning. Malah saiki dalan sepuré wis diurug, ngo pelebaran jalan Sudirman.

Pasar Wagé dadi pasar kebanggaané warga Banyumas.
Mergané, rata-rata warga Banyumas ngendelaken distribusi sandhang lan pangan sekang pasar mau. Warga Kab Banyumas, Purbalingga, Cilacap, Banjar¬negara, Wonosobo, Brebes, Tegal lan liyané maning, akéh sing kulakan barang utawa dodol barang liwat Pasar Wagé.

Nyata, pancén nyata, kawit gemiyén nganti jaman sekiyé nang kota Purwokerto ana 4 kelurahan sing nganggo jeneng Purwokerto, yakuwé, Purwokerto Wetan, Purwokerto Kulon, Purwokerto lor lan Purwokerto kidul. Panjer sekang 4 kelurahan kuwé anané nang Pasar Wagé. Sekang kenyataan mau, ndéyan gemiyén 4 kelurahan kuwé mau mung sekelurahan.
Gandhéng wilayahé sing amba banget, terus dipecah dadi 4, Apamaning nang kelurahan Purwokerto gemiyén dadi punjeré Kadipatén Banyumas sing jéré panggonané ora adoh karo pasar wagé sisih lor.

“Kaki Mad Rusdi, rika ngerti apa ora.. kapan Pasar Wage didegaken..?” takoné Kaki Bawor maring Mad Rusdi, pensiunan pulisi sing umuré sekiyé lewih 80-an tahun.

“Sengertiné inyong, kayané wektu didegaken dadi Pasar Wagé, isih cilik wujud pasar désa. Sing méh padha karo pasar wagé yakuwé pasar Manis, pasar Paing, Pasar Pon lan Pasar Kliwon. Nanging gandhéng Pasar Wagé panggonané nang tengah kota tur pérek banget karo ndalem Kadipatén, dadiné pasar kuwé lewih cepet maju lan ngrem¬baka” ujaré Mad Rusdi karo ngémut-émut jaman gemiyén.

Mergané tekané bangsa Cina sing pinter dagang lan bangsa Landa sing dadi penguwasa. Lewih maju maning pasar Wagé papané nang tengah kota, tenimbang pasar séjén sing isih nang ndésa adoh kota. Kanggo ngumpliti ketekané bangsa Cina nang Pasar Wagé, wong-wong Cina utawa Tionghoa padha nggawé panggonan ibadah utawa klenthéng sing dunungé nganti sekiyé ora adoh (malah mépét) karo pasar Wagé. Jaman gemiyén wektu isih durug akéh mobil, wong dodolan nggawa dagangan maring Pasar Wagé nganggo grobag sapi, dhokar utawa bécak. Koplak dhokar karo grobag sapi, anané nang mburi pasar, utawa sisih lor pasar pérek klenthéng. Déné pedagang sing sekang Purbalingga, Banjarnegara, Wonosobo nganggo sepur. Nang Pasar Wagé ana setapsiun cilik nggo pranti mandheg sepur, nggawa hasil bumi, kerajinan utama peternakan.

“Inyong ora patiya paham, kapan Pasar Wagé didegaken. Amargané, kawit inyong mrocot, kayané pancén wis ana Pasar Wagé. Nanging mbok menawa mulai Kota Kadipatén Ajibarang pindhah maring Purwokerto. Amargané, jaman gemiyén, jéréné para sepuh, pendapa kadipatén Ajibarang nang sisih lore Pasar Wagé, Jenengé Kejawar”, jéré Kaki Mad Rusdi sing tau dadi Polisi Negara nang Purwokerto, maring kaki Bawor.

Cethané, Pasar Wagé Purwokerto dadi urat nadiné perekonomian kota Purwokerto lan Kab Banyumas. Umumé kanggo pusat distribusi sandhang, pangan lan perekonomian Banyumas sekukubané… Klilan…

HADIAH SEKANG MERTUA

Mbok Dakem duwe mantu ana telu jumlaeh sing pertama Daplun, sing keloro Kemplu sing ketelu Kucluk. Sing jenenge Mbok Dakem kuwe wonge sugih banget tapi crewete ora nguati turmaning wonge galak mbebeih lah.

Ceritane Mbok Dakem kuwe pengin ngerti kaya apa sih gedene katresnan mantu-mantune marang deweke. Singkat ceritane, Mbok Dakem ngajak keluargane Daplun dolan maring Pantai Teluk Penyu Cilacap termasuk si Daplun. Pas lagi numpak perahu arep nyebrang nang Nusakambangan, ujug-ujug Mbok Dakem mlumpat maring laut. Weruh kaya kuwe Daplun langsung bae terjun meng laut nulungi Mbok Dakem.
Mbarang esuk-esuk pas Daplun arep metu sekang ngumah deweke kaget banget ana mobil TOYOTA KIJANG INNOVA parkir nang ngarep umaeh. Nang nggon kaca ana kertas sing tulisane "Hadiah sekang Mertua Wadonmu nggo Daplun Mantu sing Baik Hati," olih hadiah kaya kuwe si Daplun cerita karo Kemplu.

Minggu ngarepe, Mbok Dakem giliran ngajak dolan keluargane Kemplu nang Pantai Ayah Kebumen. Kedadiane kaya ganu maning, pas numpak perahu Mbok Dakem mlumpat meng laut.
Weruh kaya kuwe giliran Kemplu kemutan ceritane Daplun deweke langsung bae mlumpat nulungi.

“Jan maturnuwun banget ya Gel, gara-gara nulungi mamake dompet karo HPmu dadi teles," omonge Mbok Dakem.

"Ora papa, daripada mamake sing mati nang laut dipangan yuyu, dompet karo HPku teles ya ora papa," gantian Kemplu nyahuti.

Mbarang esuk-esuk pas Kemplu arep metu sekang ngumah deweke kaget banget ana mobil Honda CRV parkir nang ngarep umaeh.
Nang nggon kaca ana kertas sing tulisane "Hadiah sekang Mertua Wadonmu nggo Kemplu Mantu sing Baik Hati".

Pas minggu ngarepe giliran Kucluk sing disengi dolan meng Bendung Gerak Serayu.
Pas agi numpak perahu nang tengah-tengah kali Mbok Dakem pura-pura kecebur meng kali.
Tapi jebul si Kucluk malah meneng bae ora arep nulungi malahan ngomong kaya kiye:

"Rasakna mati kewaregen banyu ngonoh, ujar-ujare ora bosen apa domong terus, dasar mertua crewet", Si Kucluk ngromed karo ndayung perahu ninggalna mertuane keblebeken banyu mati nang kali. 

Mbarang esuk-esuk pas Kucluk arep melu meng acara pemakaman mertuane, ujug-ujug ana wong sekang diler nganter mobil apik pisan mobile Mercedes-Benz Model Sedan kupe CL550 MATIC metuan paling anyar. Mbarang kaya kuwe sing nganter mobil aweh surat isine:

"Kiye hadiah sekang mertua lanang mu, maturnuwun ya, inyong ya wis bosen karo nini-nini crewet,"(*)


By : djwo, 16-04-2013

MBLAKETAKET

Kaki Bawor tembé bali sekang kebonan mburi umah..

Jérémongé sih sekiyé lagi wektuné ndhangir tanduran uwi, gembili karo kenthang jembut utawa kenthang ireng. Mengko angger wis mangsané panénan, kira-kira wis méh mangsan rendheng, tanduran sing kelebu pala kependhem mau dedhudhuk, lumayan kena nggo ganjel weteng sedurungé panén pari nang sawah. 

Tekan émpéran umah, keton mbekayu Tébok lagi lumah-lumah nang lincak karo ngrungokaken radio sing agi siaran “Gudril Banyumasan” sekang radio swasta niaga. Nang méja cilik sandhing lincak, ana “sajén” rupa wédang clebek, mendhoan sing égin keton anget, godhogan kenthang jembut karo kacang brul , sing kabéh ésih ngebul.

“Hlah jan Tébok, mblaketaket temen sih.. karo léyéh-léyéh, samba médang karo pacitan sing pancén mathuk karo wédang sing deladekaken”, ujaré kaki Bawor karo mésem maring anakké wadon sing jéréné paling ayu sejagad. “Ramané wis balik, jérémongé arep mbongkar kenthang jembut, ning koh mung lémbéyan thok. Lha kudhi karo paculé deséléh ngendi..?”, takoné mbekayu Tébok sing weruh ramané wis ngadeg nang sandhingé karo nyilikaken swara radio sing mau swarané kencar-kencar seru.

“Pacul karo kudhi wis tek delah nang pedangan. Kiyé mau inyong malah wis resik-resik nang sumur belik pinggir sawah, sisan gawé ndeleng tanduran gedhang sing wis tek penclas jantungé, kena nggo lawuh”, kaki Bawor semaur karo njagong nang lincak sandhingé mbekayu Tébok sing wis tangi.

“Kembang gedhangé arep nggo lawuh, nganggo bumbu pecel apa sambel trasi ramané.. mengko tek gawékaken.” “Angger sing cocog tah kembang gedhang dethukaken karo kembang kecombrang, nganggo bumbu pecel. Lha nék ana karo goréngan témpé plenuk degoréng wuda, ora nganggo glepung, nggoréngé sing madan garing, anget-anget jan mblaketaket temenan”, kaki Bawor ngujari pesenané…

“Rika sih apa-apa mblaketaket. Ngrungokna gendhing Kembang Glépang utawa Gudril jérémongé mblaketaket. Médang clebek karo lawuh mendhoan, mblaketaket, dhahar karo kembang gedhang dethukaken karo kecombrang bumbu pecel, mblaketaket. Lha sing ora mblaketaket sing endi ramané..?”, mbekayu Tébok nyauri ramané karo ménjep, nganti lambéné méh gigal merga pancén ndobléh…

“Anakku sing paling ayu.. inyong karo ko padha tulih menungsa Banyumas.. getih karo balung ya sekang bumi Banyumas.. nginum banyu sekang tuké pegunungan nang Banyumas. Lha mblaketaket mbokan kuwé bahasa Banyumas sing tegesé énak pisan, éca, semringah, nylekamin, lan angger nurut Bondan Winarno sing tukang nyicipi kulinér kuwé bahasané “Mak Nyuss..”.
Apa inyong salah angger masakané anakku wadon sing pancén ayu, derasakaken jan énak temenan. Kuwé mbokan bahasa sekiyé mblaketaket”, kaki Bawor nerangaken pengalemen maring anakké wadon.

Klilan…

Pelantikan Pengurus Anak Cabang (PAC) Pemuda Pancasila Kecamatan Patikraja

"SEKALI LAYAR TERKEMBANG, SURUT KITA BERPANTANG"

Alhamdulillah, dengan mengucap syukur kepada Allah SWT, kegiatan Acara Pelantikan Pengurus Anak Cabang (PAC) Pemuda Pancasila Kecamatan Patikraja, yang dilaksanakan di Aula Balai Desa Patikraja pada hari minggu, 10 Februari 2013 dapat terlaksana dengan lancar.

Atas partisipasi dari kanca-sedulur "Patikraja Guyub" yang ada di Jakarta, serta semua pihak yang sudah andil dalam suksesnya acara tersebut, saya atas nama Panitia Penyelenggara mengucapkan terima kasih yang tidak terhingga.


SUSUNAN PENGURUS ANAK CABANG PEMUDA PANCASILA KECAMATAN PATIKRAJA :

Majelis Penasehat :
- Nugroho Adi Wibowo S.Pd.
- Drs. Aliudin

Ketua Umum :
- Pramoko (Papang)

Ketua I :
- Eko Widhiarto

Ketua II :
- Junaedi

Sekretaris I :
- Hutama Yudyadi

Sekretaris II :
- Budiharto

Bendahara I :
- Edy Suryanto

Bendahara II :
- Dudu

Kabid Organisasi & Kaderisasi :
- Heri PM
- Rasimun
- Sungkono

Kabid Srikandi :
- Tini Artini
- Siti Nur Khotijah
- Nurbaeti

Kabid Satma :
- Suswandi
- Sono
- Yanto

Kabid LBH :
- Daryono, SH
- Narko
- Radikin

Kabid Usaha :
- Kuat Raharjo
- Aim Supangat
- Warso

Kabid KOTI :
- Arif Wibowo
- Rohmadi
- Awang
- Supriyanto


SUSUNAN PANITIA PENYELENGGARA :

Ketua :
- Junaedi

Wakil Ketua :
- Eko Widhiarto

Sekretaris :
- Hutama Yudyadi

Bendahara :
Edy Suryanto

Seksi Humas :
- Awang
- Budiharto

Seksi Tempat :
- Dodo

Seksi Keamanan :
- Arif Wibowo

Seksi Acara :
- Heri PM

Seksi Umum :
- Warso

Seksi Konsumsi :
- Nur Baedah
- Nurbaeti